يــــالـــــغــــالــــي

يــــالـــــغـــــالـــــي

يالغالي اللي كل ماجاه ما اكفاه

ماتلاحظ اني معك راعي طويله..!

طيب..سبب غيبتك ظرف وعرفناه

تكشيرت حجاجك كذا ويش هيله

تعال يابعد التنهاد والاااه

وهاك بحياتي كل لحظه جميله

الفرح شيً لو تدوره تلقاه

غايه عظيمه والتبسم وسيله

جر القمر بيدك كذيا بعلباه

واجلس مكانه وارخ ليلك بليله

ايووه منك و ويلي واحلا لاه

انت اللذي لاقيل مافيك حيله

اخذ العمر فدوت عيونك ولا ابغاه

لكن ابغفى بين اياديك ليله

الموت..ماهو فراق الانسان دنياه

الموت..من فرقا الخليل لخليله

واليا نشدت شحدني للمعاناه

اتجاوبك سود العيون الكحيله

اللي هدبها تل قلبي من اقصاه

وتفتحت بيبانه المستحيله

اجتاحت عروقي ودمي وخلاياه

وقامت تمشابه فصيله فصيله

المشكله ماينفع الاسم والجاه

راع الغنم مثله وشيخ القبيله

ياحب وش بقيتلي؟ منك لله

الا حطام انسان منهو يشيله؟؟